صحيح انك بتتزوج!... وعرسك في مسـاء الاثنيـن
بتأخذ وحدتن غيـري... وتتركنـي مـع أحزانـي
خواتك جابـوا الشبكـه ..وقالـوا ياهـلاوأهليـن
بريـح المسـك ندعيكـم لعـرس أعـز الأخوانـي
وعروسك مِثْنيه راسه ... ببسمـه شقـت الخديـن
وفرحـه مـن نواظرهـا لهيبـن وسـط شريانـي
وأمـك ترقـص قبالـه وتِصفّـق بأحمـر الكفيـن
تغنـي حسهـا كنـه خنـاجـر حـبـي الفـانـي
وأنا مدري وش القصه؟ ومدري من متى ؟؟ ومنين؟?
ومِنْـه اللـي تبـي تأخـذ حياتـي وكـل الأمانـي
حبست الآه فـي جوفـي ودمعـي حايـرن بالعيـن
عذاب القلـب وجنونـه وحالـي حيـل مرضانـي
صدمت بوقتهـا أرجـي إلهـي خالـق الجنسيـن
يصبرني علـى فرقـا ضنينـي ..نصفـي الثانـي
رجعت لغرفتـي أرمـي هدايـا من(ثـلاث سنيـن)
رسايـل خطهـا حبـرك تترجـم حـب خـوانـي
كرهت البيت والشـارع بـلا روحـن مـع الحيّيـن
همومي في وسط صـدري تعـادل جيـش ميدانـي
حرقت القلب ياخاين وعـودك وَصّلتنـي لويـن ؟؟
عطيتـك قلـب مـا تلقـى مثيلـه بيـن الأزمانـي
عشقتك عشق من مبطـي معـاي وباقيـن للحيـن
وأحبـك حـب لـو ليلـى درت عنّـه تنصّـانـي
يا (....) صرتي أنتي له هنيّـك بأسـود الحجيـن
هنيّـك فـي من كان يعـادل كـل خلانـي
ورحت أبارك لعرسـك وعِـدّي مـا بكت لـي عيـن.
سوات اللي طعن قلبه بصمت وقال.. وش جانـي ؟
فمان الله ...معك حبك توفـى فـي مسـاء الاثنيـن
وأمانـه لا تراسلنـي وأبيـك اليـوم ..تنسـانـي
