ياحزينة !
دوريني في زوايا الياس ... في ياس المدينة !
دوريني في ملامح وجهك الدافي وقولي ..:
قولي : وينه؟!
شاعرٍ ماحبتّه بنت وبكى !
شاعرٍ مانستّه بنت وشكى !
شاعرٍ يركض ورى الأحلام والأحلام تهرب من يدينّه !
دوري عنّــه دخيّلكِ فــ المرايا ..
في النوايا !
.......في الزوايا !
................في الهدايا !
فالزهور اللي تحبّك .. فلها مع ياسمينه !
دوري عنّه دخيّلك في صباحك !
في دموعك .. وانشراحك ..!
وسط حونك !
وارتياحك ..
وسط دفتر مل من نزفه ومن دمعات عينه !
دوريه .!
فالوجيه اللي تنادي فالغيابات الوجيه !
فالحنين اللي أبيــه وفالأنين اللي يبيه ..!
ولابكى حزنه عليه!
ولابكيتي تذكرينه
... دوريه .!
في عيون أطفال مرّوا ... وابتسـامه !
وسط صمته ..
لاجفا صوته كلامه ..!
وسط دفتركِ الحزين ..
يوم كنتي تكتبينه .. يوم صرتي تشطبينه !
دوريه...
لاغفى سمعك على صوته ونام !
فــ السكوت
وفـــ الكلام !
فـــ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدينّك !
وأسألي بينك وبينك !
كيف مرّ فـ يوم عينك لين مات احساس عينك !
وانتي عينه !!
ياحزينــه .. !؟.
.
.
.
و... آتنفس رغم هذا الضيق في صدر المدينة ..!
وآتبسم حتى لو مابه ...... عصافير وأغاني !
وانتي أنتي .. مثل ماأنتي .. ولكنّكِ حزينة ..!
تربكين الدمع ويل الدمع من ضيق المحاني !
صح أنا مااخترت اكون أنسان يمكن تعشقينه ..!
بس انا مااخترت أكون إلا معاك انسان ثاني !
كنت اقول البحر ماينشد عن هموم السفينه ..!
صرت أقول اللحين دلوني على وجه المواني !
آه ... واللي خالقٍ بي صوت يصعب تسمعينه ..!
ماقطفتك ( لحظةٍ حلـوة ) من أعضان الثواني !
أشبه احساسي ولاأشبه هذاك اللي ... تبينه ..!
شاعرٍ من ضعت عندك ضاع يوم إنه لقاني !
أشبه اللي مّر في صدري وأنا مدري حنينه ..!
مثل هذا الفرح .... هذا الجرح لامنّـه بكاني !
أنسكب لك شي مثل المي ! يمكن تشربينه !
وارتوي بك شعر .. مثل الشعر لامنّه .. دعاني !
مثل هذا الحزن هذا الحزن لامرّ بــ سكينه ..!
مثل هذا النور مثل شعور من يدّي .. خذاني !
مثل هذا اللي يدوّر في يدينك .. عن يدينه !
مثل هذا اللي يمّر اللحين كل اللي .. قراني !!
مثل هذا اللي يحث خطاه ماتلحق .. سنينه..!
مثل هذا اللي تشوفي كيف لو شفتيه جاني !؟
شاعرك لو ماتنفّس ضاق به صدر المدينة ..!
شاعرك لو ماتبسّم .... كان مارفَت أغاني !
أفتحي قلبك وشوفي وش ورى دمعات عينه ..!
يمكن تحسيّن باللي ماقوى ... ينطق لساني !
لايمرّ الحزن مثل اللي يمرّ ... وفي يمينه ..!
قلب ماتنبض سنينه مثل .. نبضات الأمــاني !
من يقول الصبح هذا صبح ..! واشياءه حزينه ..!
من يقول الناس مثل الناس ماحسّ بحناني !
الحزن ماهو مثل ماشعر واحسّك .. تشعرينه ..!
الحزن لاجيت ادور لك وانا اجهل مكاني !
ياحزنها ..!
رتل معّي تنهيدتي لاجفّ فوقي مزنها ..!
