صبـ آ ـح ــكَمـ .. / .. ـمسـ آ ـكْـ مـ ..
شع ـر وَ شع ـْآر وَ أشع ـآر
قصيدهـ عااجبتني من زماان .. وحبيت احطها لكم ..’
ان شااء الله تعجبكمـ ..’
لعنبـو قصـة غـرام ٍ كـل ابـوهـا كلمتـيـ
ابتدينا عنـد ( احبـك ) وانتهينـا عنـد ( بـاي
تونـا مابعـد مشينـا فـي الهوى لـو خطوتيـن
( وانتهى الموضوع ) فجأة حتى مدري وش خطاي
انتهى الموضوع كذا ؟ بكـل سهولـه تحكميـن؟
وين احبك ؟ وين اريدك ؟ وين ساكن في حشاي ؟
يمكن انك مـا وفيتـي يـوم جيتـي تعشقيـن !!
ويمكـن انـك تحسبينـي بتبعـك مـن دون راي
ويمكن اصلا مـا عشقتـي بـس كنتـي تلعبيـن
ويمكن انك ما وصلتـي فـي هـواك لمستـواي
ويمكن اني ماعرفتـك فـي الحقيقـه وش تبيـن
ويمكن اني -خنت نفسـي يـوم اعطيتـك وفـاي
علمينـي فـي الهـوى ياجاهلـه وش تعرفيـن ؟
تعرفين انك غديتي ( شي ) يجري في دمـاي !!!
علميني : في العطا والتضحيـه وش تفهميـن ؟؟
لعنبـو حيّـك عشانـك سبـت اقـرب اقربـاي
كنت احطك فـي عيونـي تسرحيـن وتمرحيـن
كنت اشيل هموم قلبـك وارمـي همومـي وراي
كنت اطير من السعاده يـوم اشوفـك تضحكيـن
كنت ذايب في هواكي مثـل سكـر وسـط مـاي
كنت نايم في العسل وارسم من الفرحـه سنيـن !
كنت اظنك قلب عاشق ماسكن وسطـه سـواي !!
مـا وعيـت الا وأنتـي فـي خفوقـي تطعنيـن
ما وعيت الا وسيفك فـي الحشـا رايـح وجـاي
ورده اي والله ورده بـــس عرفتيتجـرحـيـن
كل شي فيني جريح الاااااااا ( فخامـة كبريـاي )
مـا تأثـرت بغيابـك ويـش يعنـي دمعتـيـن
بكره انسـى صدقينـي وارجـع بكامـل قـواي
ادري ان حنـا افترقنـا بـس ابفهـم حاجتـيـن
علميني وش كسبتي !!؟ وعلميني وش خطـاي !!
اصـلا الموضـوع كلـه مـا تعـدى كلمتـيـن
التقينا عند ( احبك ) !! وافترقنـا عنـد ( بـاي )
وبس ...
